ചതുർധാമ - പഞ്ചേദാർ യാത്ര ഭാഗം -9: രുദ്രനാഥ്
രുദ്രനാഥിലേക്ക് പുതുതായി പണിഞ്ഞ മുറിയിൽ ഈർപ്പം തളം കെട്ടി നിന്നതിനാൽ ഇടമുറിഞ്ഞ ഉറക്കം ആയിരുന്നു എങ്കിലും ശീലം കൊണ്ടാകണം 5 മണിക്ക് മുമ്പേ ഉണർന്നു. അഞ്ചരയോടെ ജ്യോതിച്ചേട്ടനെ വിളിച്ചുണർത്തി താഴെ ചോപ്തയിലേക്കു തിരിച്ചു. ഉദ്ദേശം അര കിലോമീറ്റർ ദൂരമേയുള്ളൂ ഞങ്ങൾ രാത്രി കഴിച്ചു കൂട്ടിയ സ്ഥലത്ത് നിന്ന് അവിടേക്ക്. ആറു മണിക്ക് മുമ്പായി താഴെയെത്തി. എം ജി യൂണിവേഴ്സിറ്റിയിലും കേരള സാങ്കേതിക സർവകലാശാലയിലും ജീവനക്കാരായ ഹിമാലയ പ്രണയികളെ വീണ്ടും കണ്ടു. അവർ ഇന്ന് മലയിറങ്ങുകയാണ്, വീണ്ടും വീണ്ടും വരാനായി. ഞങ്ങളുടെ തിടുക്കം കാരണം അധിക സമയം ഒരു മിച്ചു ചെലവഴിക്കാനായില്ല. കുശല പ്രശ്നങ്ങൾ കഴിഞ്ഞ് തിടുക്കത്തിൽ ഒന്നു രണ്ടു ഫോട്ടോയും എടുത്തു ഞങ്ങൾ പിരിഞ്ഞു. ‘ഇനിയുമേറെ ദൂരം താണ്ടാനുണ്ട്; സമായമാണെങ്കിലോ പരിമിതവും’ തലേദിവസം സൂക്ഷിക്കാനേല്പിച്ച ബാഗുകൾ വാടക നൽകി കൈപ്പറ്റി ബൈക്കിൽ സുരക്ഷിതമായി ബന്ധിച്ച് ഓരോ ചായയും കുടിച്ച്, ടോർച്ചിന് ബാറ്ററിയും ഞങ്ങൾക്ക് ബിസ്കറ്റും വാങ്ങി അടുത്ത ലക്ഷ്യത്തിലേക്കുള്ള പ്രയാണം ആരംഭിച്ചു. അപ്പോൾ സമയം ആറര. ഇതിനിടക്ക് ഞങ്ങളെപ്പോലെ ബൈക്കുമായി ഹിമാലയ യാത്രക്കെത